a fin d'outonho éran fuogo
sues folharascas, nien lheinha
dában: tiempo era de friu,
fame dura cumo peinha.
cortában las carbalheiras,
nun chegában a carbalhos:
ye assi la mocidade
se cortada puls trabalhos.
l sou fruito son belhotras,
mas mais berdégan ls bulhacos:
bencir a poder d'anganhos
ye la fuorça de ls mais fracos.
Fonso Roixo
Sem comentários:
Enviar um comentário